Madaxweynaha dalka Mareykanka ayaa la kulmay dhaleeceyn weyn kadib markii uu dhawaan ka dhawaajiyay hadal dad badan dhibsadeen ayna adkaatay in fasiraad dhab ah laga bixiyo
Donald Trump ayaa cambaareyn kala kulmay kalmad adag oo afkiisa kasoo baxday, waxaana dad badan ku sifeeyeen in Madaxweynaha dalka Mareykanka uu yahay Cunsuri weyn.
Madaxweynaha dalka Mareykanka oo koox wariyaal ah weydiiyeen waxa ay dadk ku sifeeyeen ee ah in uu cunsuri yahay ayuu iska diiday in uu yahay nin cunsuri ah oo dadka kala sooca.
”Maya, maya, anigu maahi nin cunsuri ah , Waxaan ahay qofka ugu cunsuriyadda yar ee aad waraysi ka qaadaan weligiin, ayuu yiri Madaxweynaha dalka Mareykanka Donald Trump.
Trump ayaa isbuucii hore ka dhawaajiyay hadal aan munaasab ahayn uu ugu gafayay dadka Madow gaar ahaan kuwa Afrika xili uu ka qeyb galay shir looga hadlayay isbadal loogu samaynayay shuruucda dadka soo galootiga ah oo xafiiskiisa ka dhacayay.
Xafiiska Shabakada Allbanaadir.com
Muqdisho Somalia
Allbanaadir@live.com
