Kooxda Taliban ayaa sheegtay in wadahadallada u socda ee ay la leedahay Mareykanka diiradda lagu saarayo oo kaliya sidii ciidamada ajnabiga looga saari lahaa dalka Afghanistan, isla markaana wararka arrintaas ku duwan ay yihiin dacaayad.
Wada-hadallada oo saddex maalmood socda, isla markaana ay marti-gelisay dowladda Imaaraadka Carabta ayaa la soo gebagebeyn doonaa maanta.
Pakistan ayaa sheegtay inay agaasintay wada-hadalladan lala leeyahay kooxda Taliban, si ay Mareykanka uga caawiso qorshe uu doonayo in lagu soo afjaro dagaalka 17-ka sano socda ee Afghanistan.
Zalmay Khalilzad, oo ergeyga gaarka ah ee dib u heshiisiinta Afghanistan, ayaa hoggaaminaya wada-hadalladan, oo ay ka qeyb galayaan saraakiil ka socota Saudi Arabia, Imaaraadka Carabta iyo Pakistan.
“Wada-hadallo dhab ah ayaa ka socda Imaaraadka Carabta waxayna u dhaxeeyaan wakiiladda Imaaradda Islaamiga ah (Taliban) iyo Mareykanka, si loo soo geba-gebeeyo haysashada Afghanistan” waxaa sidaas yiri afhayeen u hadlay Taliban, Zabihullah Mujahid.
Xafiiska Shabakada Allbanaadir.com
Muqdisho Somalia
Allbanaadir@live.com
