Xoghayihii hore ee Gaashaan-dhigga dalka Ingiriiska isla markaana ka mid ah Xildhibaannada Baarlamaanka UK Gavin Williamson, ayaa dawladda Fedetaalla Soomaaliya ku tilmaamay dawlad fashilantay.
Xildhibaankan ayaa ku booriyey madaxda dowladda Soomaaliya inay qiraan madaxbanssnida Somaliland, halkii ay taas beddelkeeda ku mashquuli lahaayeen wax uu ku sifeeyay “ciyaaraha doqoniimada.”
Gavin oo si weyn ugu ololeeya qaddiyadda madaxbannaanida Somaliland ayaa qoraal uu soo saaray ku sheegay in Madaxweynaha Soomaaliya aanu wada xukumin magaalada Muqdisho, taasina ay cadayn u tahay fashilka dawladiisa.
Xildhibaan Gavin Williamson ayaa saadaaliyey in sannadaha soo socda ay dalal badani aqoonsan doonaan Somaliland, oo ah dalka keliya ee nabadgalyo iyo hannaan dimuquraaddiyadeed ka hirgaleen ee ka jira gobolka Geeska Africa.
Siyaasigan iyo kuwa kale oo u dhashay Ingiriiska iyo dalal kale ayaa dhaqaalo badan ku qaata u ololeynta madaxbanaanida maamulka Somaliland, waxa ayna xubnahan maamulka Somaliland u raadinayaan aqoonsi dowladnimo.
