Nin hubaysan oo ka yimid Jordan ayaa ka soo gudbay xadka dalka Jordan iyo Daanta Galbeed ee la heysto ee Falastiiniyiinta, wuxuuna toogasho ku dilay saddex Israa’iiliyiin.
Weerarkan ayaa ka dhacay buundada Boqor Xuseen ama loo yaqaano isgoyska Allenby oo ay baro koontorool ku leeyihiin ciidanka Israa’iil.
Waa weerarkii u horreeyay oo qof hubaysan uu ka soo tallaabay xadka Jordan ay ugu suuragasho inuu dilo dad Israa’iiliyiin ah.
Booliiska Israa’iil waxay sheegeen in la dilay ninka ka dambeeyay weerarkan, balse lama soo bandhigin aqoonsigiisa iyo sharraxaad la xiriirta dhacdadan.
Falkan ayaa muujinaya bilowga xasuuqa iyo xad-gudubka Israa’iil inuu dhalin karo in laga soo tallaabo xadduudka dalalka ku dhow dhulka ay Israa’iil ku go’doomisay Falastiiniyiinta.
