Shiikh Aadan Madoobe, Gudoomiyaha Baarlamaanka Soomaaliya ayaa ku gacan sayray qorshe mooshin looga gudbin lahaa Xildhibaanadii taageeray mawqifka in Itoobiya joogto Soomaaliya, kuwaasoo ka soo jeeday Koonfur Galbeed.
Xildhibaano badan oo shir kula qaatay Shiikh Aadan Madoobe hoyga uu Villa Hargaysa ka dagan yahay ayaa xildhibaanada u sheegay in Xildhibaanadii taageerada u muujiyay Itoobiya uu ka keenayo raaligalin inay ka bixiyaan talaabadaas, balse arrintaasi waxaa ka biyo diiday Xildhibaanadii waday Mooshinka oo ku adkaystay inuu ka qabto Mooshìnka si xasaanada looga qaado xildhibaanadaas, loogu eedeeyo dembi qiyaano Qaran.
Madaxwayne Laftagareen ayaa la sheegayaa inuu Xildhibaanadii  shirka Jaraa’id qabtay uu mid mid ula soo hadlay isagoo ku cadaadinaya inay taageero u muujiyaan dawladda Itoobiya, maadaama ay degmada Bakool ka dhaceen banaanbaxyo lagu taageerayo joogitaanka ciidamada Itoobiya oo isagu uu abaabulay.
Villa Soomaaliya ayaa lagu soo waramaya in ay gudoonka baarlamaanka cadaadis ku saarayaan sidii xildhibaanadaas xasaanadooda dib u eegis loogu samayn lahaa hase ahaatee Aadan madoobe ayaa isku dayaya xal meel dhexe ah raadiyo si uu u qanciyo laftagareen iyo Xassan Shiikh.
