Hoggaamiyaha Kuuriyada Waqooyi Kim Jong-un ayaa goobjoog u ahaa tijaabada militariga Kuuriyada Waqooyi uu ku soo bandhigay diyaaraddii u horreysay ee nooca aan duuliyahan lahayn oo ay soo saareen, kuwaasoo ay ku jiraan diyaarad la mid ah midda uu Ruushku sameeyo ee Lancet.
Dagaallada adduunka ayaa hadda ku tiirsan weerarrada diyaaradaha aan duuliyaha lahayn ee si fudud u burburin kara difaacyada iyo kaabayaasha ciidan.
Sidoo kalena diyaaradaha aan duuliyaha lahayn waxay dagaallada u noqdeen hannaan basaas iyo istiraatijiyadeed oo lagu helo xogaha, si fudud ay diyaaradahan ku noqdeen hubka u sarreeya ee dalalku ay kordhinayaan soo saarista iyo inay isku qalabeeyaan.
Laakin marka laga hadlayo tan Iran ayaa taariikh ku sameysay, markii ay soo saartay kuna hubaysay kooxaha ay taageerto diyaaradahan oo aan ku fadhin qiimo badan burbur xoog lehna dhalin kara, taasoo ku qasabtay inuu Ruushka u adeegsado Ukraine , si uu hoos ugu dhigo dhaqaalaha uga baxaya dagaalka.
