Booliiska dalka Mareykanka ayaa toogasho ku dilay Jemel Roberson oo ahaa nin Madow oo Waardiye ka ahaa baar ku yaalla magaalada Chicago ee dalka Mareykanka .
Jemel Roberson oo ahaa Waardiye hubeesan ayaa eryaday nin burcad hubeesan , waxaana booliiska oo goobtaasi si deg deg ah usoo gaaray durba toogteen ninkii Waardiyaha ahaa.
Dad badan ayaa ka carooday dilka booliiska u geesteen ninka Madow ee Waardiyaha ahaa, waxaana hadal heynta dhacdadan si weyn looga dareemay gudaha Mareykanka iyo baraha bulshada.
Ninka la dilay ayaa sidoo kale ahaa nin muusiga aad u yaqaan una garaaci jiray kaniisado dhoor ah, waxaa sidoo kale ninkan la dilay la sheegay in uu aad u jeclaa in uu kamid noqdo booliiska Mareykanka.
Patricia Hill oo baadari ka ah kiniisadda Purposed Hill ayaa sheegay in aad uga careesan yihiin dilka booliiska u geesteen muustikiistaha, waxa uuna sheegay in uu gacantooda booliiskii uu jeclaa in uu kamid noqdo.
Booliiska Mareykanka oo u badan Cadaan ayaa inta badan si micno dara ah u dila dadka madowga ah ee ka shakisan ,waxaana marar badan gudaha Mareykanka ka dhacay dilal loo geestay dhalinyaro Madow ah.
Xafiiska Shabakada Allbanaadir.com
Muqdisho Somalia
Allbanaadir@live.com
