Askari ka tirsan ciidamada dowladda ayaa lagu dilay duleedka Magaalada Muqdisho.
Dilkan ayaa ka dhacay degaanka Macaani ee duleedka Magaalada Muqdisho ka dib markii askariga ay weerar ku qaadeen dabley hubeysan oo markii ay dileen baxsaday.
Goob joogayaal ayaa sheegaya in dableyda ay horey u sii qaateen qorigii uu watay askariga ka hor inta aysan halkaas ka baxsanin.
Wararka ayaa sheegay in askariga la dilay magaciisa lagu sheegay Wadaad-yare, waxayna dadka degaanka sheegeen in kooxda falka dilka geystay ay ku baxsadeen Mooto bajaaj.
Ciidamada dowladda ayaa gaaray goobta dilka ka dhacay, iyagoo baaritaan ka sameeyay halkaasi, lamana soo sheegin cid loo qabtay dilkan oo la tuhunsan yahay in kooxda Alshabaab ay fulisay.
Xafiiska Shabakada Allbanaadir.com
Muqdisho Somalia
Allbanaadir@live.com
