Guddoomiyaha Golaha Shacabka ee BJFS Mudane Sheekh Aadan Maxamed Nuur (Madoobe) iyo wafdi uu hogaaminayo ayaa gaaray Magaaladda Nairobi ee Caasimadda Dalka Kenya.
Waxaa halkaasi ku soo dhoweeyay Safiirka safaaradda Soomaaliya ee dalka kenya ,iyo xubno ka tirsan Baarlamaanka dalka Kenya.
Guddoomiyaha Golaha Shacabka ayaa halkaas uga qeyb doona kulanka 17-aad ee guddoomiyaaasha baarlamaanada wadamada ku bahoobay urur Goboleedka Iskaashiga Dhaqaalaha Bariga Africa (EAC) oo maalinta beri si rasmi ah u furmi doona Magaaladda Nairobi.
Waxaa shirka looga hadli doonaa xalinta caqabadaha hortaagan horumarinta ajendayaasha ururka iyo arrim o kale.
Mudane Sheekh Aadan Maxamed Nuur Madoobe Guddoomiyaha Golaha Shacabka ee BJFS ayaa maalmaha uu ku suganyahay magaaladda Nairobi waxa uu kulamo la qaadan doonaa mas’uuliyiinta dalkaasi iyo madaxda ka qeyb galaysa shirkaas.
