Guddoomiyaha Golaha Shacabka Baarlamaanka Jamhuuriyadda Federaalka Soomaaliya Mudane Sheekh Aadan Maxamed Nuur (Madoobe) ayaa maanta ka qeyb galay munaasabad lagu dhaarinayey Wasiiru-Dowlaha Wasaaradda Deegaanka & Isbeddelka Cimilada Mudane Axmed Cumar Maxamed.
Wasiiru-dowlaha oo ka mid ah wasiiradda dhowaan uu soo magacaabay Ra’iisul Wasaaraha XFS Mudane Xamsa Cabdi Barre, ayaa waxaa dhaariyay Habdhowraha Golaha Shacabka Mudane Xildhibaan Mohamed Abdullahi Hassan – Nuux.
Guddoomiye Sheekh Aadan Madoobe ayaa kula dardaarmay Wasiirka in xilka loo dhaariyay uu u guto si mas’uuliyad ku jirto ugana adeego dalka iyo shacabka Soomaaliyeed.
Wasiiru-Dowlaha Wasaaradda Deegaanka & Isbeddelka Cimilada Mudane Axmed Cumar Maxamed ayaa balan qaaday inuu si hufan oo daacadnimo leh u gudan doono waajibaadka loo xilsaaray.
