Wasiirro katirsan Xukuumadda Siomaaliya, Guddoomiyaha gobolka Banaadir iyo masuuluyiin kale ayaa kumanaan ka tirsan shacabka caasimadda kala qeybgalay banaan-bax lagu taageerayay heshiiska Difaaca iyo Dhaqaalaha Badda oo ay wada galeyn dowladda Turkiya iyo dowladda Soomaaliya.
Sidoo kale banaan-baxaan ayaa ahaa mid shacabka gobolka Banaadir ay ugu mahadcelinayeen Madaxwaynaha Jamhuuriyadda Federaalka Soomaaliya Dr. Xasan Sheekh Maxamuud, Madaxda iyo Xubanaha Labada Aqal ee Baarlamaanka Federaalka Soomaaliya iyo Xukuumadda Dan-Qaran ee uu hogaamiyo Ra’iisul Wasaare Xamsa Cabdi Barre, Ansixinta ay ansixiyeen heshiiskaasi.
Dibadbaxayaasha ayaa iyagoo wata boorar iyo Calamada Turkiya & Soomaaliya waxa ay socod kusoo mareen qeybo ka tirsan wadooyinka Caasimadda, iyagoona isugu yimid Garoonka Kubadda Cagta ee Eng. Yariisow Stadium, halkaasi oo ay kula hadleen Madaxda Maamulka gobolka Banaadir, Xildhibaano iyo Wasiiro ka tirsan Xukuumada Federaalka Soomaaliya.
