Fagaare ku yaalla degmada Saakow ee gobolka Jubbada dhexe ayaa maanta gelinkii dambe waxaa kooxda Al-shabaab ay ku toogatay shan nin oo basaasnimo lagu eedeeyey.
Qaadiga Maxkamadda al-shabaab oo boqolaal qof ka hor akhrinayay xukunka ayaa sheegay in shanta Nin ee la toogtay ay u shaqeynayeen sirdoonnada Dowladda Kenya iyo dowladda Federaalka Soomaaliya.
Al-Shabaab waxay sheegtay in dhammaan Ragga maanta lagu dilay degmada Saakoow ay qirteen dambiyada lagu soo eedeeyay ee ah inay basaasiin ahaayeen, waxaana magacyadooda lagu sheegay sidan:-
1-Cabdiraxmaan Xuseen Max’ed
2-Haaruun Cabdiraxmaan Cumar
3-Caliyow Jiinow Nuur
4-Max’ed Yuunis Madkeer
5-Cabdishakuur Xasan Xuseen.
Maalin ka hor ayay aheyd markii sidaan oo kale Xarakada Al Shabaab ay magaalada Jilib ugu dishay illaa 5 ruux oo ay ku eedeysay in ay u basaasayeen sirdoonnada dowladaha Mareykanka iyo Ingiriiska.
Xafiiska Shabakada Allbanaadir.com
Muqdisho Somalia
Allbanaadir@live.com
