Wasiirka Wasaaradda Maaliyadda Soomaaliya Mudane Biixi Imaan Cige ayaa maanta kulan la qaatay Ku-xigeenka Wakiilka Qaramada Midoobay ee Soomaaliya ahna u qeybsamaha isku-duwidda howlaha Bani’aadannimo Mudane George Conway.
Kulanka oo ay isugu yimaadeen mas’uuliyiinta ayaa diiradda lagu saaray hannaanka deyn cafinta iyo sidii loo yareyn lahaa dhibaatooyinka ka dhashay fatahaadaha oo sannadkaan saameyn xoogan ku yeesha bulshada ku dhaqan gobolada qaar ee dalka.
George Conway ayaa u ballan-qaaday wasiirka maaliyadda in Qaramada Midoobay intii karaankeeda ah gacan ka geesan doonto hannaanka deyn cafinta Soomaaliya iyo wax ka qabashada dhibaatooyinka ka dhasha fatahaadyada.
Dowladda Soomaaliya ayaa rejo weyn ka qabta in laga cafiyo lacagaha deynta ah ee lagu leeyahay Soomaaliya, taa oo haddii ay dhacdo dowladda uu hoggaamiyo madaxweyne Xasan Sheekh u noqon doonto guul kale oo weyn .
Xafiiska Shabakada Allbanaadir.com
Muqdisho Somalia
Allbanaadir@live.com
