Taliyaha Ciidanka Booliiska Soomaaliyeed Jeneral Sulub Axmed Firin oo maalmahan howlo shaqo u jooga Jubbaland ayaa kormeer shaqo ugu tagay ciidamada Daraawiishta Jubbaland ee lagu tababarayo xero ku taalla Waqooyiga magaalada Kismaayo.
Wasiirka Amniga Jubbaland Yuusuf Xuseen Cismaan (Dhuumaal) Taliyaha Ciidamada Daraawiishta Jubbaland Jeneraal Ismaaciil Saxardiid iyo Taliyaha Ciidamadda Booliiska Qeybta gobolka Jubbada Hoose ayaa Taliyaha ku soo dhaweeyay dugsiga tababarka oo kormeer guud uu ku saameeyay.
Jeneral Sulub Axmed Firin Talyaha Ciidamadda Booliiska Soomaaliyeed ayaa ciidanka kula dardaarmay inay u diyaar garoobaan la dagaallanka al-shabaab oo la qorsheynayo in wajiga 2aad ee howlgalka laga bilaabayo Koonfur Galbeed iyo Jubbaland.
Talyaha Ciidamadda Booliiska Soomaaliyeed ayaa sheegay in dagaalka al-shabaab ka sokow uu ciidanka Booliska waajibaad adag ka saaran yahay sugida amaanka dalka wuxuuna kula dardaarmay iney dedaalkooda sii xoojiyaan.
