War murtiyeed kasoo baxay guddiga joogtada ee aqalka sare ee dalka Soomaaliya ayay ugu baaqeen mas’uuliyiinta maamulka Galmudug inay ka shaqeeyaan midnimada ha’yadaha dastuuriga isla markaasna soo celiyaan wadashaqaynta hay’adahaasi.
Guddiga aqalka sare ayaa sheegay inaysan marnaba aqbali Karin inay sii socdaan waxay ugu yeereen dhaq-dhaqaaqyada lagu burburinayo hoggaanka ha’yadaha dastuuriga ee Galmudug.
Xubnaha guddigan waxay sidoo kale sheegeen inay garwadeen ka yihiin dadaallo lagu dhexdhexaadinayo dhinacyada isku khilaafsan siyaasadda maamulka Galmudug.
Waxay ugu dambeyn, ugu baaqeen shacabka Galmudug inay ka qayb noqdaan dadaallada xal u raadinta khilaafka ka dhex taagan maamulka Galmudug.
Madaxda Galmudug ayaa u kala jabay labo garab oo kala fadhiya Dhuusamareeb iyo Cadaado ka dib khilaaf siyaasadeed oo soo kala dhex galay, kaasoo gaaray heer labada dhinac mid walba uu kan kale ku sameeyo xilka qaadis laab la kac ah.
Xafiiska Shabakada Allbanaadir.com
Muqdisho Somalia
Allbanaadir@live.com
