Ra’iisul Wasaaraha Xukuumadda Federaalka Soomaaliya Mudane Xamse Cabdi Barre, ayaa maanta Xafiiskiisa ku qaabilay Hoggaamiyaha KMG ah ee maamulka SSC Mudane Cabdiqaadir Axmed Aw-Cali (Firdhiye).
Ra’iisul Wasaare Xamse Barre ayaa ka dhageystay Hoggaamiye maamulka SSC Khaatumo warbixin ku saabsan xaaladda bulsho iyo nololeed ee ka jirta deegaannada uu hoggaamiyaha u yahay.
Ra’iisul Wasaare Xamsa ayaa tilmaamay in Xukuumadda Jamhuuriyadda Federaalka Soomaaliya ay u taagan tahay ilaalinta midnimada iyo wadajirka ummadda Soomaaliyeed iyo in wixii khilaafa ee jira lagu xalliyo wada-hadal.
Hoggaamiyaha maamulka SSC ayaa magaalada Muqdisho ku yimid casuumad uu u fidiyay Ra’isul Wasaare Xamse Barre , waxaana hoggaamiyaha Muqdisho loogu soo dhaweeyay aad u heersareysa.
