Ciidanka DF iyo saaxiibada caalamka ayaa Gumarka Cosobow Cali oo hoos taga degmada Ruundhirgood ee gobalka Shabeellaha dhexe ku dilay ku dhowaad 10 ka tirsan Al-shabaab
Raggan ayaa doonayey inay weeraraan dadka deegaanka ee dagaalka kula jira ee ku sugan degmadaas sida lagu sheegay qoraal ay baahisay idaacada ku hadasha codka DF.
“Sidoo kale ciidanka Qaranka iyo saaxiibada caalamka ayaa ku guulaystay iny ku burburiyay gaari Noha ah oo Khawaarijta ay ka soo buuxiyeen waxyaabaha qarxa” ayaa sidoo kale lagu sheegay warka Idaacada.
Ciidamadu waxay ku guulaysteen baa la yiri inay fashiliyaan dhagarta al-shabaab sidoo kalana ay laayaan dadka ay soo qaldeen, iyadoo qof kale uusan khasaaro ka soo gaarin.
