Gantaalada Ruushka ayaa ugu yaraan 11 qof ku dilay dhismo dabaq ah iyo bakhaar ku yaalla magaalada uu ka soo jeedo madaxweyne Volodymyr Zelenskiy, halka ciidamada Moscow ay guul-daro ka gaareen wejigii hore ee weerarka Ukraine.
Dadka deegaanka ayaa ku ooyay bannaanka guriga gubtay iyo qiiqa cirka isku shareeray kadib weerarkii subaxnimadii hore ee saaka ka dhacay magaalada Kryvyi Rih,.
Saraakiisha ayaa sheegay in ugu yaraan afar qof lagu dilay dhismaha guriga halka 7 kalena lagu dilay bakhaarka. 28 ayaa ku dhaawacmay.
Muraayadaha jajaban iyo lebennada ayaa lagu daadiyey hareeraha waddada iyo barxadda bannaanka dabaqa. Ugu yaraan shan baabuur ayaa burburay.
” Ruushku waxay sii wadaan dagaalka ay kula jiraan dhismayaasha la dego, magaalooyinka caadiga ah iyo dadka,”ayuu yiri Zelenskiy, oo ku dhashay magaalada la duqeeyey.
Moscow ayaa beenisay in ay si ula kac ah u beegsatay dadka rayidka ah balse waxa ay marar badan ku dhufatay dhismayaal dabaqyo ah gantaalada riddada dheer.
Waxay 25 qof ku dishay guri dabaq ah oo ku yaal bartamaha magaalada Cumaan lix toddobaad ka hor, taas oo muujinaysa bilawga ololaha la xoojiyay ee diyaaradaha aan duuliyaha lahayn iyo duqeymaha gantaalaha ee loo yaqaan ‘Drone Drones’ xilli ay isku diyaarinayaan weerar-celinta Ukraine ee muddada dheer la sugayay.
