Maxkamadda ciidanka milatariga Somaliland darajadeeda koowaad ayaa dil toogasho ah ku xukuntay Dable Axmed Cabdi Cabdillaahi
Askarigan ayaa lagu helay inuu Arbacadii toddobaadkii hore magaalada Lawyocaddo ku dilay Taliye Khadar Maxamed Caynaanshe oo ay ka wada tirsanaayeen ciidanka ilaalada xeebaha Somaliland.
Meydka taliye ku-xigeenkii Ciidamada Badda ee xeebta Gobolka Awdal ayaa la geeyay magaalada Boorama ee gobolkaasi halkaasoo lagu aasay maalin ka hor.
Caro dad weyne oo xooggan ayaa ka dhalatay dilka askariga maanta la xukumay uu u geystay marxuum Khadar, iyadoo xiisad arrintaasi ka dhalatay saacadihii lasoo dhaafay ay ka taagnays gobolkaasi, waxayna dadka deegaanka qaarkood dalbanayeen in la isla aaso labada ruux, waa marxuumka iyo asakriga dilka geystay.
Xafiiska Shabakada Allbanaadir.com
Muqdisho Somalia
Allbanaadir@live.com
