Duqa Muqdisho Mudane Yuusuf Xuseen Jimcaale (Madaale) ayaa maanta lacag ay dhar ciid ku gataan siiyay 314-qof oo ka koobnaa qoysaska danta yar iyo dadka baahiyaha gaarka qaba kuwaas oo ka kala socday Degmooyinka Gobolka Banaadir.
Deeqdan lacageed oo uu Duqa Muqdisho Mudane Madaale gaarsiiyay qoysaska danta yar iyo dadka baahiya gaarka qaba ayaa loogu talagalay in ay uga faa’ideystaan ka qeyb qaadashada farxada Ciidul Fidriga, iyada uu qorshuhu yahay in tira Laba-kun oo qof ah la gaarsiiyo deeqdaasi Lacageed.
Guddoomiyaha Gobolka Banaadir Mudane Yuusuf Xuseen Jimcaale (Madaale) ayaa ugu baaqay bulshada Soomaaliyeed iyo dadka Alla S.W.T wax siiyay in ay xasuustan oo ay garab istaagaan dadka danta yar.
Dadkan maanta lacagaha loo qeybiyay qaarkood ayaa xaalku ku xumaa, waxaana ku adkeed in ay helaan lacago ay dhar iid ugu gadaan carruurtooda iyo kuwa iyaga naftooda ku gataan, waxa ayna maamulka gobolka uga mahadceliyeen deeqda ay siiyeen..
Xafiiska Shabakada Allbanaadir.com
Muqdisho Somalia
Allbanaadir@live.com
