Qarax xoogan ayaa saaka ka dhacay degmada Xamar jajab ee gobolka Banaadir kaasoo meelo badan laga maqlay jugtiisa.
Taliska booliska Somalia oo war ka soo saaray qaraxaas aya sheegay inuu ka dhashay mooto Bajaaj ay wateen Al-shabaab oo qaraxday xili ay eryanayeen ciidamada amaanka.
HOOS KA AKHRISO QORAALKA BOOLISKA
Maanta 16/Apr/2023, abaare 07:30 AM, Degmada Xamar Jajab, ayaa dhagarqabayal saarnaa mooto Bajaaj, ay soo jiireen bar lagu hubiyo gadiidka, iyada oo la raacdeynayo ayeey bajaajtii ku qaraxday Waaxda Gen Daa’uud, dhagartoodii ay la damacsanayeen Ummadda Sooman ayaa iyagii ku laabtay waxaana goobta ku halaagsameen 3 dhagarqabe. Halka, qof muwaadin ah oo wadada marayaay uu dhaawac fudud ka soo gaaray iyo Burbur kooban oo soo gaaray guryaha laamiga ku teedsan agagaarka Haama-dhowr ama Isbilatka Yardimeli.
Dhacadaas waxaa ku bilowday baaris, wixii ku soo kordha dib ayaan ummadda kala wadaagidoonaa.
