Taliska ciidanka Booliska Somalia ayaa soo bandhigay nin ka tirsan Al-shabaab oo ka dambeeyey qarax xalay ka dhacay degmada Xamar jajab ee gobolka Banaadir.
Qoraal ka soo baxay Booliska ayaa lagu sheegay in ninkan oo aan magaciisa la sheegin la qabtay xili uu qarax ku qirayey gaari uu lahaa sarkaal boolis ah.
“Xalay oo taariikhdu ahayd 03/04/23 ayaa waxaa cidanka boliisku ku qabteen nin ka tirsan khawaarijta Al-Shabaab kaasoo miino ku dhajinayay gaari uu leeyahay sarkaal ka tirsan Ciidanka Boliiska” ayaa lagu yiri qoraalka Booliska
Gaarigii sarkaalka ayaa qarxay inta aysan ka howlgalin miino baarista Boliiska.
“Eedaysanaha ayaa waxaa ku socota baaris, waxaana la waafajin doonaa cadaaladda” ayaa lagu yiri qoraalka Booliska.
Xafiiska Shabakada Allbanaadir.com
Muqdisho Somalia
Allbanaadir@live.com
