Madaxweynaha Puntland Siciid Deni ayaa dhawaan ku wajahan magaalada Dubai ee waddanka Imaaraadka Carabta.
Sarkaal sare oo ka tirsan Madaxtooyada ayaa xaqiijiyay in Siciid Deni uu maalmaha soo socda u safrayo dalkaas Imaaraadka Carabta.
“Waa xaqiiq in Madaxweyne Deni uu dhawaan u safrayo halkaas iyo Dubai balse xog intaas ka baxsan ma heyno” ayuu yiri sarkaal sare oo ka tirsan Madaxtooyada Garowe.
Safarka Deni ku tagayo Dubai ayaa ku soo beegmaya xilli uu dhawaan sahmin ku soo sameeyay gobolka Guardafui ee dhaca xeebaha fog ee Puntland oo warar soo baxaya sheegayaan in saldhig ciidan laga siinayo Imaaraadka.
Madaxweynaha Puntland Siciid Deni ayaa xiriir wanaagsan la leh dowlada Imaaraadka carabta, kaasoo aysan ka warqabin dowlada Soomaaliya, waxaana talaabadan ay ku soo aadeysaa xili dhowaan maamulka Puntland uu sheegay inuu dhaqmayo sidii dowlad madax banaan inta dastuurka dalka laga dhameystirayo.
Xafiiska Shabakada Allbanaadir.com
Muqdisho Somalia
Allbanaadir@live.com
