Ra’isul Wasaaraha xukuumadda Soomaaoiya Xamse Cabdi Barre oo booqasho ku jooga dalka Masar ayaa xalay gurigiisa magaalada Qaahira ku booqday Madaxweynihii hore ee Soomaaliya, Dr Cabdiqaasim Salaad Xasan.
Xamse Barre ayaa ugu tagay Madaxweyne Cabdiqaasim in uu hubiyo xaaladdiisa caafimaad iyo in uu uga xog warramo halka uu dalku marayo, gaar ahaan xaaladda guud ee Amniga iyo Siyaasadda.
“Mudane Cabdiqaasim wuxuu soo dhaweeyay booqashada iyo dadaalka ay waddo dowladda Soomaaliyeed ee dib looga xoreynayo dalka kooxda Al Shabaab ee dhibaatada ku haya shacabka, isagoo intaa raaciyay inuu ku rajo weyn yahay in sida ugu dhaqsaha badan uu dib ugu soo laabto kuna noolaado dalkiisa” Ayuu yiri Rs’isul Wasaare Xamse.
Ra’isul Wasaaraha xukuumadda Soomaaliya Xamse Cabdi Barre ayaa booqasho ku jooga dalka Masar, waxa uuna halkaasi kula kulmay madax katirsan dalkaasi.
