Ciidanka xoogga dalka oo kaashanaya ciidamada Koofur galbeed, ayaa saakay howlgal qorsheysan waxa ay ka fuliyeen deegaanka Dhursheen Shabeelle oo 35 km u jirta degmada Xuddur gobolka Bakool.
Howlgalkan ay sida wadajirka ah u fuliyeen ciidamada dowladda iyo kuwa daraawiishta Koonfur Galbeed ayaa la sheegay in lagu dilay labo xubnood oo katirsanaa dagaalyahanada Al Shabaab.
Masuulkna katirsan Maamulka Bakool ayaa sheegay in ciidanka ay arroor hore oo saaka ah weerar qorsheysan ku dileen, Axmed Moorogaabeey iyo Cali Garweyne oo Al Shabaab u qaabilsanaa arruurinta lacagaha baadda ah iyo jidgooyooyinka.
Saraakiisha ciidanka ayaa sheegay in ay sii wadayaan howlgalada ka dhanka ah Al Shabaab , waxa ayna sheegeen in dhawwaan howlgalo Al Shabaab ka dhan ah laga fulinyao gobolka Bakool oo meelo badan ka joogaan Al Shabaab.
Degmooyinka Xudur iyo Ceelbarde oo katirsan gobolka Bakool ayaa waxaa ka socda abaabul dagaal ay wadaan ciidanka dowladda iyo kuwa deegaanka , waxa ayna ciidankan doonayaan in go’doominta ka qaadaan Degmooyinka Xudur iyo Ceelbarde.
Xafiiska Shabakada Allbanaadir.com
Muqdisho Somalia
Allbanaadir@live.com
