Qarax xoog leh ayaa saaka ka dhacay agagaarka xeradii hore ee Maslax oo ku taalla degmada Heliwaa ee Magaalada Muqdisho.
Wararka ayaa sheegaya in qaraxa uu ka dhashay miino wadada lagu aasay oo lala eegtay gaari ay wateen ciidamo ka tirsan dowlada Somalia oo halkaas marayey.
Gaariga ayaa la sheegay inuu haleelay qaraxa, isla markaana khasaare dhimasho iyo dhaawac leh uu soo gaaray ciidamadii la socday, inkastoo aan tirakoob sax ah laga heynin.
Rasaas xoog leh ayaa la maqlay qaraxa ka dib taasoo ay fureen ciidamada dowlada ee qaraxa lala eegtay qaarkood, waxaana halkaas markii dambe gaaray ciidamo kale oo xiray goobtaas howlgalana ka bilaabay, Xaalada goobta uu ka dhacay qaraxaas ayaa hadda degan.
Xafiiska Shabakada Allbanaadir.com
Muqdisho Somalia
Allbanaadir@live.com
