Al-Shabaab ayaa madaafiic ku weerartay Saldhig Ciidamada liyuu Boolis ee dowlad degaanka ku leeyihiin degaanada Yeed iyo Aato oo ka tirsan Gobolka Bakool ee dowlad Goboleedka Koonfur Galbeed
Dadka degaanka ayaa sheegay inay maqlayeen jugta madaafiicda oo qaarkood ku dhacday Xerada Ciidamada liyuu Boolis ee degaanka Aato ee gobolka Bakool.
Al-Shabaab oo ka hadlay weerarkaas ayaa sheegtay inay madaafiicda ay la heleen Gudaha Xerada Ciidamada liyuu Boolis, isla markaana khasaaro xoogan ay ku gaarsiiyeen.
Ma jiraan warar madax banaan oo xaqiijinaya sheegashad Al-shabaab iyo khasaaraha dhabta ah ee ka dhashay duqeyntaas.
Ciidamada liyuu Boolis dhankooda ayey wararku sheegayaan iney madaafiic kale ku jawaabeen, kuwaaoo ay la beegsadeen degaannada ku dhow dhow degaanka Yeed ee Gobolka Bakool.
Ciidamada liyuu Boolis ayaa maalmihii la soo dhaafay dhaqdhaqaaqyo xoogan ka waday xadka gobolka Bakool uu la wadaago degaanka Soomaalida ka dib markii dhowr jeer ay Al-Shabaab weeraro ka geysteen halkaas.
