Wasiirka Warfaafinta Somaliland Saleebaan Cali Koorre ayaa shaaciyey in laanta afka Soomaaliga ee Idaacadda BBC laga Mamnuucay iney ka howlgasho degaanada Somaliland.
Wasiirka ayaa go’aankaas ku sababeeyay in BBC-du ay hoos u dhigtay sharaftii iyo karaamadii Somaliland, isagoo aan si cad u sheegin sababta rasmiga ah ee arrintaas keentay.
Warar lagu kalsoon yahay ayaa xaqiijiyay in sababta ugu weyn ee BBC looga mamnuucey Somaliland ay tahay, kadib markii ay idaacaddu joojisay xafladdii sannad-guurada 65-aad oo Hargeysa lagu qaban lahaa, taasoo loo ballan-sanaa 18kii bishan July.
BBC ayaa shaqaalaheeddii Hargeysa u yimid in ay Munaasibaddaas ka soo warramaan ku amartay inay Nairobi ku laabtaan isla markaana ay xafladdii sannad-guurada u baajiyeen sababo la xiriira dhanka amniga.
