Dagaal ayaa la soo sheegayaa inuu ka dhex qarxay ciidamada labada dowladood ee Sudan iyo Itoobiya xili ay maalmahan taagneyd xiisad labada dal u dhexeysay.
Ciidamada Sudan ayaa weerar ku qaaday cutubyo ka tirsan ciidamada Itoobiya ee ku sugan gobolka lagu muransan yahay ee Al Fashaga ka dib markii lagu eedeeyay in ay dileen 7 askari.
Xukuumadda Sudan ayaa goor sii horraysay u yeeratay safiirkeedii u fadhiyey Addis Ababa, iyadoo ka careysan falka ay ku dhaqaaqeen ciidamada Itoobiya.
War saxaafadeed ay soo saartay wasaaradda arimaha dibada Itoobiya ayaa lagu beeniyey sheegashada milatariga Sudan waxayna Wasaaraddu sheegtay inay askarta Sudan ee la dilay ku dhinteen shaqaaqo dhexmartay askar Sudan ah iyo maleeshiyaad Itoobiyaan ah ayna ka xuntahay dhacdadaas
