Ra’iisul Wasaaraha Yemen Dr. Mu’in Abdul Malik ayaa qadka taleefanka kula soo xariiray Ra’iisul Wasaaraha dalka Mudane Xamse Barre.
Dr. Mu’in Abdul Malik ayaa ugu hambalyeeyey RW Xamsa Magacaabistiisa iyo Kalsoonida Golaha Shacabka ee shalay uu helay.
Dhanka kale Ra’iisul Wasaaraha Yaman ayaa ugu hambalyeeyay Ra’iisul wasaaraha dalka Munsaabadda Maalmaha xoriyadda ee dalka ee 26ka June iyo 1da Luulyo.
Labada masuul ayaa ka sheekeystay xiriirka labada dal ee qotada dheer, sidoo kalena waxa ay dhiirigaliyeen in horay loo sii wada jaan-qaado.
Ra’iisul Wasaaraha dalka Mudane Xamse Barre oo helay kalsoonida baarlamanka ayaa laga sugayaa inuu magacaabo gole Wasiiro oo dalka hogaamin doona afarta sano ee soo socota.
- Advertisement -
