Carruur ka badan 30 ayaa 48kii saacadood ee la soo dhaafay nafaqo darro ugu geeriyootay Isbitaalka Magaalada Kismaayo ee gobolka Jubada hoose.
Sida ay xaqiijiyeen Maamulka Isbitaalka Carruurta halkaasi ku geeriyootay ayaa laga keenay deegaannada iyo degmooyinka Gobolka Jubbada Hoose ee abaaruhu ay saameeyeen,
Feysal Aadan Ibraahim Madaxa qaybta Nafaqo-darrada ee Isbitaalka Kismaayo ayaa sheegay in ay geeriyoodeen 30 Carruur ah, taasoo ay sabab u noqotay Nafaqa-darro ka dhalatay Abaarta ka jirta dalka.
“Ku dhawaad 400 oo ruux oo ah qoysaska saameynta ba’an ku reebtay Abaarta ayaa lagu daweynayaa Isbitaalka Magaalada Kismaayo kaddib xannuuno ay ka qaadeen cuno la’aanta & Biyo yarida jirta” ayuu yiri Feysal Aadan Ibraahim Madaxa qaybta Nafaqo-darrada ee Isbitaalka Kismaayo.
