Allbanaadir.com
NEWS

Madaxweyne Xasan Sheekh oo la kulmay Madaxda Maamul goboleedyada dalka ka jira

Madaxweynaha cusub ee dowladda Soomaaliya Xasan Sheekh Maxamuud ayaa kulan wadajir ah la qaatay madaxda shanta maamul goboleed ee dalka ka jira ,maalin kaddib markii loo doortay Madaxweynaha dalka.

Kulankan ayaa ahaa qado sharaf madaxweynaha cusub ee Soomaaliya u sameeyay madaxda dowlad goboleedyada dalka oo ku wada sugan Muqdisho, waxa ayna madaxda dowlad goboleedyada mar kale ugu hambalyeeyeen Xasan Sheekh guusha uu gaaray.

Madaxda dowlad goboleedyada dalka ayaa dhammaan ku sugan magaalada Muqdisho kuwaa oo u joogay ololaha doorashada , waxaana madaxdaasi kamid ah Madaxweynaha Puntland oo isagu kamid ahaa musharaxiinta madaxweynaha.

Maamul goboleedyada qaar gaar ahaan maamulada Jubbaland, Puntland iyo Hirshabelle ayaa Xasan Sheekh Maxamuud garab ka siiyay guushii uu doorashada ka gaaray, halka Madaxda Galmudug iyo Koonfur Galbeed dhisayeen Madaxweyne Farmaajo.

Madaxweynaha cusub ee Soomaaliya Xasan Sheekh Maxamuud ayaa markii la doortay kadib ballanqaaday in uusan sameyn doonin wax aargoosi ah, waxaana dadka siyaasadda falanqeeya aaminsan yihiin in culeesyo Wajihi doonaan Madaxda Galmudug iyo KG.

Xafiiska Shabakada Allbanaadir.com
Muqdisho Somalia
Allbanaadir@live.com

Related posts

Al Shabaab oo dib ula wareegtay Deegaanka Moqokori iyo Deegaano kale oo Hiiraan katirsan

Cabdi Cade

Booliiska oo Muqdisho ku qabtay nin gowracay gabar yar oo lix sanno jir aheyd

Cabdi Cade

Ciidamada Amaanka oo gacanta ku dhigay Burcad shacabka dhibaato ku hayay (Sawirro)

Cabdi Cade