Madaxweynaha Mareykanka Donald Trump ayaa maalintii shalay magacaabay Safiirka cusub ee dowladiisa u fadhin doona Soomaaliya, kadib markii uu shaqada ka tagay safiirkii hore ee Mareykanka u joogay Soomaaliya.
Trump ayaa usoo magacaabay Donald Yamamoto in uu noqdo Safiirka cusub ee Mareykanka u fadhin doona Soomaaliya, waxaana la filayaa safiirka la magaacabay in dhawaan Muqdisho yimaado si warqadaha aqoonsiga looga gudoomo.
Donald Yamamoto ayaa madax ka ahaa xafiiska Afrika ee wasaaradda arrimaha dibadda ee Mareykanka, waxaa uu sidoo kale horay u soo noqday safiirka Mareykanka fadhiya dalalka Itoobiya iyo Djibouti .
Safiirkii hore ee dowlada Mareykanka u fadhiyay Soomaaliya Stephen Schwartz, ayaa dhoor bil kahor shaqada ka tagay, waxaana la sheegay in Diblumaasigan isku dhaceen Madaxweyne Donald Trump.
Xafiiska Shabakada Allbanaadir.com
Muqdisho Somalia
Allbanaadir@live.com
