Sanadkii 1933-kii ayey taariikhdu xustay in Jaamac Maxamed Qaalib uu ku dhashay degaanka Dhoodi-gaban ee gobolka Sanaag. Sannadkii 1955-kii ayuu ku biiray Ciidanka Booliska Soomaaliya, iyadoo sanadkii 1962-kii loo magacaabay Madaxa Sirdoonka iyo Amniga Qaranka Soomaaliya. Sidoo kale 1970-kii ayaa loo magacaabay Taliyihii Ciidanka Booliiska Soomaaliyeed.
Waxa uu ahaa Aqoonyahan aan fikradihiisa la gaban, waxaana uu qeyb libaax ka qaatay dowlad dhisidda Soomalaiya wixii ka horeeyey Xoriyadda iyo intii ka danbeeyey dagaladii sokeeye.
Waxaa uu xilal kala duwan oo illaa heer wasiir ah ka soo qabtay dowladii hore ee Kacaanka, waxaana dadka yaqaana ay ku sifeeyeen inuu rug cadaa Khabiir ku ah xaaladihii kala duwanaa ee ay soo martay Somalia gaar ahaan arrimaha siyaasada iyo milateriga.
Tacsida Generaal Jaamac Max’ed Qaalib ayaa si weyn looga hadal hayaa baraha bulshada iyo warbaahinta Soomaalida.
