Allbanaadir.com
NEWS

Joe Biden oo tagay Xadka Ukraine ammaana u jeediyay ciidamada Mareykanka (Sawirro)

Madaxweynaha dalka Mareykanka Joe Biden ayaa booqasho aan horey loo sii shaacin ku tagay xero ciidamada cirka ee Mareykanka ku leeyihiin xadka ay wadaagaan Wadamada Poland iyo UkraineĀ  .

Joi Biden ayaa ku ammaanay dowladda Poland sida ay u caasiwasay dadka kasoo qaxay colaada dalka Ukraine ka taagan,waxa uu sidoo kale boggaadiyay shaqaalaha bini’aadanimo ee u taagan caawinta dadka kasoo qaxay duullaanka Ruushka.

Madaxweynaha dalka Mareykanka oo tagay saldhiga ciidamada Mareykanka ku leeyihiin xadka u dhaxeeya Poland iyo Ukraine ayaa kala hadlay saraakiisha ciidanka dagaalka ka socda Ukarine iyo doorka ciidamada Mareykanka ee qeybta ka ah NATO.

”Waxaad dhexda kaga jirtaan dagaalka u dhexeeya dimuqraadiyadda iyo kuwa kasoo horjeeda ee Ruushka, Waxaad tihii xoogga dagaalka ee ugu wanaagsan adduunka, taasina maaha mid buun-buunin ah,” ayuu yiri Madaxweyne Biden.

Madaxweynaha Mareykanka ayaa sheegay in ciidamada Ruushku sidii ay filayeen si ka duwan kala kulmeen duullaanka Ukraine, waxa uuna xusay in hadaĀ  weeciyeen weerarkii militari ee uu ka wadeen caasimadda Ukraine ee KyivĀ  una jiheysteen dhanka bari.

Ciidamada Ruushka ee duullaanka ku qaaday dalka Ukraine ayaa khasaaro badan kala kulmay dagaalka, waxaana saraakiisha reer Galbeedka sheegayaan in ciidamada Ruushka ku adkaatay sii wadista dagaalka ay ka wadaan gudaha Ukraine.

Xafiiska Shabakada Allbanaadir.com
Muqdisho Somalia

Allbanaadir@live.com

Related posts

Wasiir ka tirsan Israel oo eedeyn yaab leh u jeediyey Biden “Wuxuu taageeraa Xamaas”

Caydiid Ali

Fahad Yaasiin oo Xamse Barre kula taliyay saddex arrin in midood sameeyo !

Cabdi Cade

Somaliland oo caawa xabsiga dhigtay Wasiir ka soo horjeestay heshiiska Badda

Caydiid Ali
Taboola Ads ---