Duqa magaalada London Sadiiq Khan ayaa ansixiyay qorshe la doonayo in lagu sameeyo laguna duuliyo Boombale Muuqaal ahaan loo ekeesiiyay Madaxweynaha dalka Mareykanka Donald Trump.
Boombalahan la buufiyay loona ekeeysiiyay Madaxweyne Donald Trump oo cunug ah ayaa la qorsheenayaa in la dul mariyo hawada magaalada London marka uu booqasho ku yimaado Madaxweyne Trump 13-ka bishan.
Fikrada lagu sameeyay boombalahan loo ekeesiiyay Madaxweyne Trump waxaa soo curiyay Leo Murray, waxa uuna ninkan sheegay in Madaxweynaha Mareykanka uu aad u neceb yahay marka lagu maadeesanayo.
Dad ka badan 100-kun oo qof ayaa codsaday in Boombalahan lagu duuliyo hawada magaalada London marka uu booqasho ku yimaado Madaxweyne Trump, waxaana sameynta boombalahan ku baxday  lacag dhan £18,000.
Fasaxa Duqa London kaliya suurto gal maaahan in Boombalahan lagu duuliyo hawada London, waxa ayna kooxdan qorshahooda u baahan tahay in ay fasax ka helaan wakaaladda duulimaadka hawada, taas oo ay tahay in ansixiso wax kasta oo duulaya.
Duqa magaalada London Sadiq Khan iyo Madaxweyne Donald Trump ayaa siyaasad ahaan aad u kala fog, waxaana labadan nin marar badan baraha bulshada isku mariyeen hadalo aad u kul kulul.
Dadka sameeyay Boombalahan layaabka leh ayaa ku tilmaamay Madaxweynaha dalka Mareykanka in uu yahay sidii ilmo kibir badan, oo sameeya waxyaabo waxyaabo ceeb ah oon laga fiirsan.
Xafiiska Shabakada Allbanaadir.com
Muqdisho Somalia
Allbanaadir@live.com
