Magaalada Dhuusomareeb ee caasimadda dowlad goboleedka Galmudug waxaa maanta ka dhacaya doorashada afar kursi oo kamid ah kuraasta gollaha shacabka, waxaana kuraastaasi intooda badan yihiin kuwa loo xiray musharaxiin gaar ah.
Kuraasta maanta lagu dooranayo magaalada Dhuusomareeb ayaa waxaa kamid ah labo kursi oo loo xiray musharax Madaxweyne Cabdiraxmaan Cabdidshakuur Warsame iyo Cabdullaahi Kulane Jiis oo kamid ah saraakiisha NISA.
Doorashada maanta ka dhaceysa magaalada Dhuusomareeb waxaa ugu adag kursiga tirsigiisu yahay Hop#053 oo ay ku tartamayaan ilaa 7-haween ah, waxaana kursigan uu yahay midka ugu adag ee lagu loolamayo.,
Kursigan ay ku tartamayaan haweenka badan ayaa dhawwaan guddiga doorashada dib u dhigeen doorashadeeda, waxaana muran kaddib guddiga doorashada fasaxeen in kursigan ku tartamaan todobada haweeen ee isku diiwaan geliyay.
Halkan ka akhriso magcayada 7-da haween ee kursigan u sharaxan
1: Raysal Qorane Abshir
2: Xaajiyo Axmed Gaas
3: Ubax Cabdi Cali
4: SamSam Xassan Diiriye
5: Farxiyo Cabdullaahi Shiikhdoon
6: Hani Cabdi Gaas
7: Fahmo Caabi Guureeye
Xafiiska Shabakada Allbanaadir.com
Muqdisho Somalia
Allbanaadir@live.com
https://www.youtube.com/watch?v=IGs1VGTGzTA&t=204s
