Ciidamada milatariga Soomaaliya gaar ahaan kuwa kumaandooska ee Gorgor ayaa la sheegay in ay fashiliyeen weerar qorsheesan oo Al Shabaab xubno katirsan doonayeen in ay ka geestaan degmada Guriceel ee gobolka Galgaduud.
Saraakiil katirsan ciidanka milatariga ayaa sheegay in ciidamada kahor tageen weerarka Al Shabaab ayna dileen xubno katirsan kooxdaasi uu ku jiro sargaalka Al Shabaab u qaabilsanaa degmada Guriceel oo lagu magacaabo Daa’uud Ibrahim Shaambil.
Ciidamada milatariga Soomaaliya ayaana soo bandhigay meydadka sargaalka la dilay iyo dagaalyahano la socday, waxa ay sidoo kale ciidamada soo bandhigeen gaari iyo hub ay kala wareegeen Al Shabaab.
Warbaahinta dowlada ayaana tabisay in gaariga Al Shabaab lagala wareegay in ay saarnaayeen qaraxyo miino aan qarxin ay doonayeen in ay adeegsadaan iyo hub kala duwan ay doonayeen in weerar ku geestaan.
Xafiiska Shabakada Allbanaadir.com
Muqdisho Somalia
Allbanaadir@live.com
