Waxaa maanta magaalada Garawe ee caasimadda dowlad goboleedka Puntland ka bilaabatay doorashada xildhibaanada golaha shacabka , waxaana maanta Garawe lagu dooranayaa ilaa shan kursi.
Kursigii ugu horeeyay ee doorashadiisa maanta ka dhacday magaalada Garawe waxaa ku tartamay Cabdi Ibraahim Qowdhan oo katirsan wasiirada maamulka Puntland iyo musharax kale oo lagu magacaabo Abshir Cabdi Xusee.
Doorashada kursigan oo sumaddiisu aheyd HOP#196 waxaa ku guuleestay Cabdi Ibraahim Qowdhan oo helay 90-cod halka musharaxii la tartamayay Abshir Cabdi isna helay 6-cod oo kaliya halka ay halaabeen 2 cod.
Siyaasiga kursigan ku guuleestay Cabdi Ibraahim Qowdhan ayaa kamid ah saaxiibada aadka ugu dhaw Madaxweyne Siciid Deni, waxaana Qowdhan hada yahay Wasiir ku xigeenka Wasaaradda Maaliyadda maamulka Puntland.
Xafiiska Shabakada Allbanaadir.com
Muqdisho Somalia
Allbanaadir@live.com
