Magaalada Boosaaso ee xarunta gobolka Bari waxaa ka taagan xiisad aad u xoogan oo u dhaxeeya ciidamada maamulka Puntland iyo ciidamo gadoodsan katirsan PSF kana soo horjeeda xil ka qaadistii lagu sameeyay agaasimahooda.
Ciidamada PSF oo ah kuwa aad u hubeesan ayaa dhufeesyo ka dhigtay xaafado katirsan magaalada Boosaaso, waxa ayna saraakiisha ciidamadan sheegeen in aysan cidna duulaan ku aheyn balse iska difaacayaan cidii soo weerarta.
Maamulka Puntland ayaana ciidamo badan ku daadgureenaya magaalada Boosaaso, waxaana saacadihii lasoo dhaafay magaaladaasi gaaray ciidamo badan oo ka baxay magaalada Garawe iyo magaalooyin kale.
Shacabka magaalada Boosaaso ayaana aad uga cabsi qaba in magaalada Boosaaso ka dhacaan dagaal dhiig ku daato, waxa ayna shacabka ugu baaqeen dhinacyada is haya in khilaafkooda wadahadal ku dhameeyaan.
Ciidamada PSF oo ah ciidamo si gaar ah u tababaran looguna tala galay in ay la dagaalamaan Argagaxisada ayaa ka carooday xil ka qaadis Madaxweyne Deni ku sameeyay agaasimahooda, waxa ayna kasoo baxeen farumaha dagaalka kasoo baxay.
Xafiiska Shabakada Allbanaadir.com
Muqdisho Somalia
Allbanaadir@live.com
