Xuseen Iidow oo mar kale loo doortay Xildhibaan katirsan Golaha Shacabka

Waxaa goordhaw doorasho natiijadeeda lasii ogaa oo ka dhacday magaalada Dhuusomareeb ee caasimada dowlad Goboleedka lagu doortay Xildhibaan Xuseen Qaasim Yuusuf (Iidow)oo katirsanaa Xildhibaanadii waqtigooda dhamaaday.

Doorashada goordhaw ka dhacday magaalada Dhuusomareeb oo sumadeedu aheyd HOP043 ayaa waxaa ku tartamayay Xildhibaan Xuseen Iidow iyo Musharax kale oo lagu magacaabo Maxamed Xirsi Faarax.

Guddiga Doorashada ayaana shaaciyay in doorashada dhacday uu ku guuleestay Xildhibaan Xuseen Qaasim Iidow oo helay 81-cod halka musharaxii la tartamayay Maxamed Xirsi Faarah uu isna helay 11-cod.

Doorashada golaha shacabka ee ka bilaabatay magaalada Dhuusomareeb ayaa aheyd mid natiijadeeda inta badan lasii ogyahay, waxaana doorashada ku tartamaya Musharax la wato iyo shaqsi malxiis ahaan uu usoo wato musharaxa.

Xafiiska Shabakada Allbanaadir.com
Muqdisho Somalia
Allbanaadir@live.com

- Advertisement -