Ciidanka Booliska Kenya ayaa baadigoobaya 3 maxbuus oo ku eedaysnaa argagixisanimo oo ka baxsaday xabsiga Kamiti Maximum oo lagu tilmaamo xabsiga ugu adag dalkan Kenya oo si weyn loo ilaaliyo
Hay’adda dambi baarista Kenya ayaa daabacday sawirrada saddexdan qof, waxayna ku yaboohday lacag dhan 550,000 oo doollarka Mareykanka ah, taasoo abaalmarin ahaan loo siin doono ciddii keenta xog sahlaysa in lasoo qabto.
Waxaa la sheegay in xalay 1-dii habeenimo ay baxsadeen inkastoo aan faahfaahin laga bixin qaabka ay u baxsadeen.
Maxamed Cali Abiikar oo ka mid ah dadka baxsadka ah ayaa lagu helay danbi ah inuu ku lug lahaa weerarkii Jaamacadda Gaarisa ee sanadkii 2015-kii oo ay ku dhinteen 148 qof. Waxaana lagu xukumay 41 sano.
Waxaa kale oo ka mid ah Musharraf Abdalla, oo ay booliisku sheegeen in la xiray sannadkii 2012-kii, kaddib markii uu fashilmay isku day la doonayay in lagu bar-weeraro xarumaha baarlamaanka Kenya.
Ninka saddexaad waa Joseph Juma Odhiambo oo loo yaqaan Yuusuf oo laga soo qabtay xuduudda Soomaaliya ee Beled xaawo. Booliska ayaa sheegay inuu doonayay inuu ku biiro kooxda Al Shabaab ee dalka Somalia.
Xafiiska Shabakada Allbanaadir.com
Muqdisho Somalia
Allbanaadir@live.com
