Waxaa saakay doorasho qof iyo cod ah oo ay dhiibanayaan shacabka Puntland ka bilaabatay sadex degmo oo katirsan maamulkaasi, waxa ayna shacabka dooranayaan golayaasha deegaanka ay ku tartamayaan Ururo siyaasadeed oo ka jira Puntland.
Doorashada ayaa saakay ka bilaabatay degmooyinka Qardho, Eyl iyo Ufeyn, waxaana doorashada goleyaasha deegaanka ku tartamaya 8 urur siyaasadeed oo kala ah, Kaah, Mideeye, Horseed, Caddaalad iyo Sinnaan, Runcad, Mustaqbal, Ifiye iyo Shaqaalaha.
Shacabka kunool sadexda degmo ee saakay doorashada golayaasha deegaanka ka bilaabatay ayaa waxaa ku tartamaya  449 musharax, waxaana musharaxiintan ku tartamayaan 87-kursi oo golayaasha deegaanka ku matalaya sadexda degmo.
Doorashada ka socota Puntland ayaa waxaa isku diiwaan galiyay in codkooda dhiibtaan 37,578 qof, doorashadan ayaana saakay mid taariikhi ah oo dadku si weyn ugu soo baxeen in codkooda dhiibtaan.
Xafiiska Shabakada Allbanaadir.com
Muqdisho Somalia
Allbanaadir@live.com
