Ciidamadda ammaanka dowladda Somalia ayaa sheegay iney qabteen Gaari noociisu yahay Mini Bus ama caasi qarax laga soo buuxiyay, kaasoo la doonayay in lagu weeraro shacabka Muqdisho Bisha barakaysan ee Ramadaan sida ay ciidamadu xuseen.
Sida ay sheegtay taliye ku-xigeenka ciidanka Booliska Jen. Zakiya Gaarigan ayaa lagu qabtay agagaarka Isbitaalka Xaawo Cabdi oo ku yaalla wadada isku xirta Magaalada Muqdisho iyo degmada Afgooye.
“Waxaa uu qarxay intii ay ciidanku ku mashquulsanaayeen inay furfuraan Qaraxa, waxaana ku dhaawacmay 1 Askari” ayey intaas ku dartay taliye ku-xigeenka.
Shacabka ku dhaqan degaanka Ceelasha Biyaha ee duleedka magaalada Muqdisho ayey sheegtay iney gaarigaas ku soo wargeliyeen laamaha amniga ka hor inta aan gacanta lagu dhigin, iyadoo arintaas si weyn uga mahad celisay.
Xafiiska Shabakada Allbanaadir.com
Muqdisho-Somalia
Allbanaadir@live.comÂ
