Dowlada Itoobiya ayaa sheegtay in ay diyaarisay ciidamo badan oo difaaca biyo xireenka muranka badan abuuray, xili ay sii kordheyso xiisada biyo xireenka ka dhashay ee u dhaxeeya dowladaha Itoobiya, Sudan iyo Masar.
Warbaahinta dowlada Itoobiya taageerta ayaa sheegay in heegan buuxa la galiyay Ciidamada Itoobiya si ay u difaacaan wajiga labaad ee buuxinta biyo xireenka aadka u weyn, ee wabiga nile.
Gen Asrat Denero, oo ah madaxa qeybta Metekel ee gobolka Beninshangul Gumuz, uu kuyaalo biyo xireenka ayaa sheegay in ciidamada Itoobiya diyaar u yihiin saacad kasta sidii ay u difaaci lahaayeen biyo xireenka .
Dowlada Itoobiya ayaa sheegtay iney qorsheyneyso iney buuxiso biyo xireenka, inkastoo ay taasi cabasho ka muujiyeen dalalka Sudan iyo Masar, iyagoo ka cabsi ka qaba in talaabadani ay hoos u dhigto qeybta ay ka helaan qulqulka biyaha wabiga Nile-ka.
Xafiiska Shabakada Allbanaadir.com
Muqdisho Somalia
Allbanaadir@live.comÂ
