Warar cusub ayaa ka soo baxaya Lacagtii shalay Booliska Soomaaliya shaaciyeen in lagu qabtay Garoonka dayuuradaha Aadan cadde ee magaalada Muqdisho.
Lacagtan oo ka timid dalka Kenya ayaa la sheegay inay leedahay Haweeney ganacsato ah oo fadhigeedu yahay dalka Kenya, laguna magacaabo Saabiriin C/qaadir Isaaq, waxaana waday xiliga la qabanayey nin wakiil u ahaa ii ay soo dhiibtay.
Natiijo hordhac ah oo ka soo baxday Baaritaanka Booliska Garoonka Aaden Cadde ayaa lagu ogaaday inay lacagtaasi ay ahayd mid ganacsi.
Haweeneydan leh lacagtan ayaa soo gaartay Muqdisho, markii ay u yeereen Booliska, waxaana wax laga weydiinayaa lacagta oo dhameyd ku dhowaad nus milyan Dollar  iyo qaabka ay dalka kusoo gelisay
Taageerayaasha Dowladda Somalia ayaa lacagtan u adeegsaday arrimo siyaasadeed oo ay ka muuqatay inay uga faa’iideysanayaan olole ka dhan ah Mucaaradka, iyagoo u fasirayey iney ka timid dal shisheeye, kuna socotay mucaaaradka.
Xafiiska Shabakada Allbanaadir.com
Muqdisho Somalia
Allbanaadir@live.com
