Madaxweynaha Mozambique Filipe Nyusi ayaa sheegay in mintidiintu ay ku qasbeen 570,000 oo qof in ay ka qaxaan guryahooda gobolka Cabo Delgado ee waqooyiga Mozambique.
Nyusi ayaa wacad ku maray inuu ka guuleysan doono kooxaha kacdoonka wada ee kordhiyay weerarada tan iyo markii ay ku dhawaaqeen in ay ku biireen kooxda Daacich sanadkii hore.
Dagaalyahannadan oo la baxay Kooxda Ahlu-Sunnah Waljamaaca ayaa dagaal la galayay ciidamada, iyagoo bilooyinkii u danbeeyay la wareegay magaalooyin ka tirsan gobolkan oo hoy u ah horumarka gaaska qiimihiisu gaarayo $60 bilyan.
Horraantii toddobaadkan, hay’adda Qaramada Midoobay u qaabilsan qaxootiga ee UNHCR ayaa sheegtay in ugu yaraan 424,000 oo qof ay u qaxeen gobollada deriska la ah ee Niassa, Nampula iyo Pempa, waxayna ka digtay in dhibaatadu ku fidi karto goobaha ka baxsan xuduudaha Mozambique, iyadoo Kooxdan xagjirka ah ee Ahlu-Sunnah Wa-Jamaca ay fulisay weerarkeedii ugu horeeyay sanadkii 2017-kii.
Xafiiska Shabakada Allbanaadir.com
Muqdisho Somalia
Allbanaadir@live.com
