Madaxweynaha dooran ee Mareykanka Joe Biden ayaa u xushey Pete Buttigieg, inuu hoggaamiyo Waaxda Gaadiidka ee maamulkiisa cusub.
Buttigieg ayaa mar ahaa qof ay aad u xifaaltameen Biden intii uu jirey ololihii is-reeb reebka xisbiga Dimuqraaddiga ee qofka u matali lahaa tartanka doorashada, kaasoo Biden uu ku guuleystay.
Buttigieg, oo horey u soo noqday duqii magaalada South Bend, ee Indiana, ayaa ololihiisa oo dar-dar ku billowdey kadib hoos u dhacay, taas oo sababtay inuu tartanka ka haro isla markaasina uu taageero u muujiyo Biden.
Biden ayaa 38 jirkan Buttigieg la meel dhigay sida wiilkiisa Beau oo u dhintay cudurka cancer-ka, wuxuuna xusay inuu u qalmo xilka sare ee uu u magacaabay.
Xafiiska Shabakada Allbanaadir.com
Muqdisho Somalia
Allbanaadir@live.com
