Ciidamo ka tirsan booliska sida gaarka ah u tababaran ee Haramcad ayaa lagu qarxiyey barqanimadii maanta duleedka Muqdisho.
Gaari ay wateen ciidamadan ayaa la soo sheegayaa in miino wadada lagu aasay ay kula kacday degaanka Ceelasha biyaha oo ka tirsan degaanada ku teedsan jidka isku xira Muqdisho iyo Afgooye.
Khasaare culus ayaa la soo sheegayaa inuu soo gaaray ciidamadii la socday gaarigaas oo ku soo jeeday xiliga ka qarxinayey dhinaca magaalada Muqdisho.
Goob joogayaal ayaa sheegaya in qaraxaas ay ku dhinteen ugu yaraan shan askari oo ka tirsan ciidamada Haramcad, halka qaar kalena ay soo gaareen dhaawacyo kala duwan.
Ciidamo kale oo ka tirsan kuwa amniga dowlada Somalia ayaa gaaray goobtaas, halkaasoo ay ka wadaan baaritaano xoogan oo ay ku baadi goobayaan kooxihii ka dambeeyey qaraxaas oo la aaminsan yahay iney ka tirsan yihiin kooxda Al-shabaab.
Xafiiska Shabakada Allbanaadir.com
Muqdisho Somalia
Allbanaadir@live.com
