Ciidamada amaanka DF ayaa saaka xiray jidadka magaalada Muiqdisho qaarkood, kuwaasoo laga joojiyey gaadiidka dadweynaha noocyadiisa kala duwan.
Gaadiidka ay wataan ciidamada iyo madaxda dowlada oo kaliya ayaa isticmaalaya jidadka la xiray, iyadoo la arkayo boqolaal shacab ah oo cagtooda maalaya si ay gaaraan goobahooda shaqo iyo kuwa Waxbarashada.
Isgoysyada ay xireen ciidamada amaanka ayaa waxaa kamid ah, Tarabuunka, Taleex Banaadir, Wadada Maka Al-Mukaraha iyo kuwo kale oo aad u muhiim u ah isku socodka gaadiidka iyo dadka.
Sababta loo xiray jidadkan ayaa waxaa lagu sheegay munaasabada xuska sanadguuradii 3aad ee ka soo wareegtay qaraxii Zoope oo ay ku dhinteen dad ka badan 600 oo qof, halka ay ku dhaawacmeen kumanaan kale.
Munaasabad dhacdadaas lagu xusayo ayaa la filayaa in saka lagu qabto isgoyskaas taasoo ay ka qeyb galayaan madaxda dowlada qaarkood iyo dadweyne kale.
Xafiiska Shabakada Allbanaadir.com
Muqdisho Somalia
Allbanaadir@live.com
